ചില കുമ്പസാരങ്ങള്‍/കുറ്റപത്രങ്ങള്‍ 

കണ്ടാലും കവിത വായിച്ചാലും
കവിയാണെന്ന് തോന്നില്ല 
കണ്ടാല്‍ കപിയാണെന്നും 
കവിത വായിച്ചാല്‍
രതിയാണെന്നും തോന്നും.


കവിതകളെല്ലാം കട്ടെടുത്തതാണെന്നറിയുമ്പോള്‍
നീയെന്നെ വെറുക്കും
നമ്മുടെ കുഞ്ഞിനു മറ്റൊരു കവിയുടെ ച്ഛായയാണെന്നറിയുമ്പോള്‍
ഞാനും


ഞാന്‍ കട്ടെടുക്കാത്ത കവിതകളില്ല
കോപ്പിയടിക്കാത്ത കവികളില്ല 

ചിലരുണ്ട് അന്യരുടെ ചിന്തകള്‍ കട്ടെടുക്കുന്നവര്‍
കാര്‍ന്നു തിന്നുന്നവര്‍